*jetz in Mundoard - Iwwersedzd vum Fritz Ehmke!
Es Rezept fär Himmel un Erd
E goanz oafaches, ewwer oig guud schmeggendes G`rischd - mer werd do defuu soad, unn es dudd faschd nix koschde!
Mer soammeld Fallebbel (die leije im Herbschd iwweroal uff`em Borrem e`rim unn koaner will`se hou!). Mer dudd`se scheele unn kocht`se midd`em Gloas Wasser waasch. Midd Zogger unn Zimt piriern. (Friejer wurde die waasche Stigger doisch e Duch geschdreche, orrer doich die Flott Lotte gedreht). Koschd goar nix!
Kadoffel koche, stoambe unn midd Milch, Soalz unn Bodder verriehrn. Bodder muss soi! (Woas schmeggd besser als Bodder? Mehjner Bodder!)
Koschd weenisch!
Blutworschd in schmoale Scheiwe schneire unn in Schmoalz ausbagge. Zwewwelring goldgääl ausgebagge.
Blutworschd unn Zwewwel uff de Kadoffelbrei gewwe unn den Ebbelbrei do dezu esse. Koschd aa nor weenisch... En guure Abbedidd!
Noch ebbs aus Ebbel: Beddelmoann
Ebbel schäle unn in Ring schneire. In`neme Dibbe midd Zogger, Zimd, Rosine unn Zidronad dämbe. In oaner midd Bodder gefeddede unn midd Weggmähl bestraade Baggform gewwe unn bei niedrischer Temperadur bagge. (Iwwerlifferd vun Anna Lampert, aus`em Rezeptbuch vun Elise Lampert anno 1900)
Mengeougåwe: kå guuri Hausfraa hodd friejer souwås nodierd. Däs hodd`mer friejer imme aus`de Lamäng gemååchd.
*Lamäng: frz. la main, die Hand
Heute fragt man Tante Google - oder unsere Onlineseiten.
Hier sind die Mengenangaben jeweils für zwei Personen:
Himmel un Erd: drei große Äpfel, 800g Kartoffeln, Milchmenge hängt davon ab, wie mehlig die Kartoffeln sind. Es muß ein weicher Brei werden. Ein Stück Butter dazu (im oalde Dibbezauber stand immer, "man nehme wenn man hat"). 200g Blutwurst, 1 größere Zwiebel...
Beddelmoann: probiert es einfach aus - davon kann es gar nicht genug geben!
Marieta Hiller